வூ குங்க் ஸன் --முன்னுரை

அன்பார்ந்த நண்பர்களே,

சீனப்புராணங்களில் நமது ஹனுமானைப் போலவே குரங்குக்கடவுள் உண்டு.

சீனர்கள் பின்பற்றும் சந்திர ஆண்டின் எட்டாவது மாதத்தின் பதினாறாவது நாள் சீனர்கள் குரங்குக்கடவுளின் (The Monkey God Festival) விழாவைக்கொண்டாடுகிறார்கள். ஹாங்காங்கில் ஸௌ மௌ பிங்க் என்ற ஒரு இடமுண்டாம். அங்கு இருக்கும் கோவிலில் விழாவின் போது குரங்குக்கடவுள் அனுபவித்த துன்பங்களைச்சித்தரிக்கும் விதத்தில் பக்தர்கள் தீமிதிப்பது, கத்திகள் நீட்டிக்கொண்டிருக்கும் ஏணியில் ஏறுவது போன்றவை மட்டுமில்லாது தன்னைத்தானே கத்தியால் குத்திக்கொள்ளும் செயல்களிலும் ஈடுபடுகிறார்களாம் இன்றும்.

இதற்குப் பின்னணியாக நீண்ட ஒரு கதையுண்டு. அந்தக்கதையைத்தான் இங்கு சில பாகங்களில், படங்களுடன் உங்களோடு பகிர்ந்துகொள்ள விரைவில் வரவிருக்கிறேன்.

சந்திப்போமா ,..
அன்புடன் ஜெயந்தி சங்கர்